Það er gott að búa í Kópavogi?

.... það segir hann Gunnar a.m.k.

Eflaust vill hann að öllum í íbúunum líði vel  hvar sem í Kópavoginum þeir búa. Líka þeir sem búa á Kársnesinu! Þess vegna vill hann að sem flestir fái tækifæri til að kynnast því og hyggst hann nú bjóða nýtt og glæsilegt íbúðasvæði á utanverðu Kársnesi, gerir ekkert þó nokkrar fúlar kellingar séu eitthvað að hnýta í hann fyrir það enda veit hann miklu betur en þær hvernig fólki á að líða vel.

Fólkið á Kársnesi hefur líka alltof lengi haft það alltof gott og ætti því að vera tilbúið til að færa smá fórnir og gefa fleirum tækifæri á að kynnast dásemdum okkar Kópavogsbúa og fyrirmyndarstjórn Gunnars.

En bíðum nú aðeins... hér er eitthvað eins og það á ekki að vera. Fólkið er ekki fyrir Gunnar. Gunnar er fyrir fólkið. Kosinn og ráðinn bæjarstjóri af fólkinu. Hann  á því  að vinna með og fyrir fólkið  en ekki í andstöðu við það. Vilji íbúar á Kársnesinu ekki fá stóraukna umferð og fjölgun íbúa á svæðið, nú þá á herra Gunnar að fara að vilja þess.

Það er bara svo ef það á að vera gott fyrir alla að búa í Kópavogi

 

Athugasemdir

[Anna Einarsdóttir, 14.9.2007 kl. 19:31]

Ég er á undan þér í stafrófinu addna... 

Þetta er annars fínn Framsóknarpistill gæskurinn.

[Halldór Egill Guðnason, 14.9.2007 kl. 21:56]

Er nú tuðið farið að smitast milli manna.?;-)

[Anna Einarsdóttir, 14.9.2007 kl. 22:08]

Þetta er síbreytilegur heimur....... Arnfinnur orðinn tuðari og Halldór orðinn mjúkur smjúts maður.    Frábær tilbreyting !

[Arnfinnur Bragason, 14.9.2007 kl. 23:06]

Hahaha.... já þú er aðeins á undan, ég segi líka bara meðal þeirra fyrstu..... Hey framsóknarpistill er ekkert tuð ég er aðeins að minna á að ég er ekki hér inni bara fyrir eitthvert djók... þá verður maður að hljóma alvörugefinn svona annað slagið....

[Arnfinnur Bragason, 14.9.2007 kl. 23:17]

.... annars er ekki skrítið þó maður verði fyrir smá áhrifum frá þér Halldór, tuðið þitt er svo helv... skemmtilegt

[Anna Einarsdóttir, 14.9.2007 kl. 23:52]

Jana fer í svaka stuð

af skrifum labbakúts 

hérna tindrar ómþýtt tuð

toppað með einföldu smjúts

[Arnfinnur Bragason, 14.9.2007 kl. 23:57]

Nú eru þær stöllur komnar í stuð

standa verðum við okkur Dóri

Komdu nú karlinn með eitt gott tuð

svo kvennanna kæti áfram tóri

[Arnfinnur Bragason, 15.9.2007 kl. 00:13]

Meira tuð vill hún Jana

og hella í sig ölinu

út í hvað ertu að ana

nöldrandi full á tuðinu

[Anna Einarsdóttir, 15.9.2007 kl. 00:20]

Ógleymanleg alltaf verður

svo ofboðslega sæt

ef þú værir morgunverður

þú þættir ljúffeng, æt

[Arnfinnur Bragason, 15.9.2007 kl. 00:31]

Jana þú ert yndi okkar ávallt

og glaður skal ég drekka með þér bjór

en það getur verið ansi fallvalt

að ganga í tuðaranna kór

[Arnfinnur Bragason, 15.9.2007 kl. 00:37]

Kellogs ég kýs að borða

er vakna ég af svefni

Kristjönu vil ég forða

frá Önnu matarefni