Í stórfiskaleik í Kringlunni

Mikið er ég ofboðslega orðinn þreyttur á þessum Kaupþingsgæjum sem sitja fyrir manni í Kringlunni. Þeir eru alltaf á sínum stað á annarri hæðinni og þar sem ég er frekar vanafastur þá fer ég yfirleitt inn um aðal innganginn á neðrihæðinni upp rúllustigann, inn ganginn og beint í flasið á þeim. Þetta er minn rúntur í Kringlunni

Aldrei skal ég muna eftir þeim og það er alltaf sama sagan, þeir virðast hafa eitthvert sérstak dálæti á að góma mig og reyna að  fá mig í viðskipti við Kaupþing, sama hversu of ég afþakka það. Eins virðis sama hvernig ég reyni að læðast framhjá þeim, alltaf ná þeir að króa mig af

Það er eins og þeir séu í stórfiskaleik, þú sleppur ekki! amk ekki  alltaf, einhvern tíma náum við þér ...nema ég, ég slepp ALDREI! þeir ná alltaf að nappa mig.

En ég er búinn sjá við þessu gæjum, ég er hættur að fara í Kringluna

 

Að vel ígrunduðu máli?

Efast um að Björn Ingi hafi hugsað þennan leik sinn til enda. Annars nenni ég ekki að hafa skoðun á þessu.

Vilhjálmur: Ákvörðun Björns Inga um samstarfsslit fyrirvaralaus

Dagur gegn dauðarefsingum

Evrópuráðið hefur ákveðið að 10. október ár hvert verði "Evrópudagur gegn dauðarefsingu" Með því á að vekja athygli á dauðarefsingu og berjast gegn þessari ömurlegu refsiaðferð.

Þó svo dauðarefsingar standi okkur íslendingum ekki nærri, sem betur fer, þá erum við þó hluti af hinum kristna og  "siðmenntaða" heimi og viljum því reyna að hafa áhrif á og bæta þann heim sem við lifum í. Að dæma einhvern til dauða er ekki í valdi nokkurs mans, sama hver glæpurinn er. Samkvæmt okkar trú hefur Guð aldrei gefið okkur það vald. 

Það skýtur því skökku við að sú þjóð sem telur sig siðmenntaðri og kristnari en festar aðrar skuli enn árið 2007 vera framkvæmdar dauðarefsingar. Með forseta sem er blóðþyrstari en flesti fyrirrennarar hans. Og hann þykist vera harður kristintrúar maður Hvar er kærleikur og fyrirgefningin, sem eru jú tvö af grundvallar hugsunum kristinnar.

Ja, hræsnin hún er allavega til staðar.

 

Magnaðir

Enn á sínum stað og og eiga leik til góða á næstu lið .....

Arsenal á toppinn eftir sigur á Sunderland

Stærra tippi

Hér segir af tveimur íslenskum athafnamönnum sem voru á ferð með M/S Gullfossi. Við sleppum að nefna þá réttum nöfnum en köllum þá Ása og Ronna.

Þeir sitja við barinn og Ási pantar sér wisky "...og eitt glas fyrir ræfilinn við hliðina á mér" (Ronna)

Ronni vill vera meiri, "Eitt glas fyrir mig, aumingjann (Ása) við hliðin á mér og þá sem sitja við barinn"

Ási: "Eitt glas fyrir mig, og alla við barborðið og þá sem sitja hér inni"

Ronni: "Eitt glas fyrir mig, þá sem eru staddir hér inni og alla á fyrsta farrými"

Ási: "Eitt glas fyrir mig, alla hér inni, alla á fyrsta farrými og alla farþega hér um borð"

Ronni: "Eitt glas fyrir mig, alla farþega skipsins og alla áhöfnina og enginn undanskilinn. ALLA"

Ási: "Eitt glas fyrir mig alla um borð og tíu kassa í sjóinn"

Jebb svona láta bara þeir sem eru með tippi!!! ..... og hvor skyldi svo hafa stærra?

Varúð, farið varlega með chilipipar!

Maður á kannski eftir að sjá víkingasveitina ryðjast inn hjá okkur þegar Tommý kokkur er að laga childressinginn

Eiturefnaárásin reyndist chili-pottur

Ó!! nei enn og aftur partý

Kíkti á stjörnuspánna mína fyrir daginn í dag og þar stóð að það væri partý í hausnum á mér og öllu uppáhaldsfólki mínu væri boðið...

Um daginn bloggaði ég um hvernig partýið í maganum á mér hefði farið fram....  ef þetta verður eitthvað í anda þess, ja þá á ég ekki von á góðu.....

Held að vísu að uppáhaldsfólkið mitt sé svo ofboðslega gott fólk að ég ætti bara að hlakka til að fá það í heimsókn... í hausinn á mér!!!

... bið ykkur um að mæta ekki fyrr en eftir kl. níu því ég ætla að taka mér frí í vinnunni og horfa á mína menn spila í meistaradeildinni... en eftir það þá eru allir velkomnir... opið hús/haus hjá mér og blóm og gjafir afþakkaðar, hef ekki pláss... en búinn að rýma fyrir góða skapinu...

....svo að ...

Óskilamunir

Þegar maður skoðar í kassann "tapað/fundið" hér á Red Chili, kennir ýmissa grasa: húfa, vettlingar, gleraugu, lyklar og fleira..... en það sem mér finnst nú það merkilegasta sem fólk hefur gleymt hér og ekki vitjað um er barnakerra..... ... já, barnakerra.. Skil vel þó eitthvað smálegt geti orðið eftir en að fólk skuli gleyma heilli barnakerru og ekki vitja hennar (búin að vera hér í heilann mánuð) finnst mér nú frekar skrítið.... Maður spyr sig; ætli barnið sé í óskilum einhversstaðra annarsstaðar? Til upplýsinga þá fann ég það ekki í kassanum

Ha?

Vissi ekki að Frú Rice væri húmoristi

Rice segir Bandaríkjamenn taka gróðurhúsaáhrifin alvarlega

Allir að mála

Hafið engar áhyggjur Össur reddar fólkinu  vinnu við að mála og dytta að eins og fyrir vestan

Öllu starfsfólki í frystihúsi Eskju sagt upp